القائمة الرئيسية

الصفحات

رواية فصليتى القوية الفصل العاشر 10 - ريناد رينو

 رواية فصليتى القوية الفصل العاشر - ريناد رينو

رواية فصليتى القوية الفصل العاشر

عند مهاب وريناد وقمر
مهاب الصبح نايم بعد تعب امبارح وبالعافيه بيقوم وخرج يجر فرجليه وبص كالعاده على مكان ريناد اللى بتعمل فيه تمارين ملقهاش بص يمين وشمال ملقهاش خرج برا البيت لقاها فى الارض ماسكه فاسها وبتساوى فى الارض

مهاب اتكى على الباب وربع ايديه وابتسم وفضل باصص لريناد :معتتعبش الوكلاهم دى
كانو بيوكلوها ايه وهى صغيره 🤔 لا بس جدعه قوى والله

قمر من وراه :وطيبه وقلبها قلب خصايه وعتحبك والله
مهاب انتبهلها :صباح الخير يارغايه

قمر :صباح الفل والياسمين .روح هاتها على مااحط الفطور تلاقيها طول الليل فى الارض الفقريه دى معتتعبش

مهاب راح على ريناد ووصل عندها :مصحتينيش معاكى ليه
ريناد :صعبت عليا شكلك كنت تعبان
مهاب :والله بعد شقى امبارح الطبيعى ان البنى آدمين الطبيعيين يتعبو واخدالى بالك انتى
ريناد بصتله من تحت دراعها وهى موطيه :
يافتاح ياعليم عالصبح

مهاب : يلا عشان تفطرى
ريناد :لا هشتغل شويه مش جعانه
مهاب :ياحبيبتى ان لبدنك عليك حق كوليلك لقمه وارجعى تانى مش شغاله زى التور ومعتاكليش

ريناد بأبتسامه :بالرغم من انك شبهتنى بالتور دلوقتى حالا لكن مش هكلمك لانك قولت قبلها كلمه حلوه

مهاب :اه قصدك على حبيبتى يعنى على فكره بقولها لاى حد حتى لو كلبه معديه فطريقى بقولها اوعى ياحبيبتى 😂

ريناد بصتله بغيظ ورمت الفاس ورايحه عليه وهى بتتنفس بصوت عالى

مهاب :اقفى عندك يابت انتى هتعملى ايه
ريناد بتقرب وهو بيرجع لورا بت يارناد احنا الصبح هاه والواحد مفهوش حيل يرفع يده يضربك حتى من شغل امبارح فهاتمدى يدك هدعى عليكى 😢ادينى عقولك اهه

ريناد قربت عليه وكورت ايدها وضربته بوكس فبطنه مهاب مسك بطنه وبيمثل البكا
شكيتك للى لاعيغفل ولا ينام يابعيده ايدك طرشه قوى كانو عيرضعوكى ايه وانتى صغيره لبن حلاليف ؟ غورى شاله عنك مطفحتى انا غلطان اللى خايف عليكى وجاى آخدك خدك ربنا

ريناد :انا اللى نفسى اعرف انتا كانو بيرضعوك ايه انتا وصغير جل صبار ؟ بوقك مابيطلعش كلمه حلوه ابدا ايه ده دا انتا ثئيل

مهاب قرب منها وهى لسه هتضربه بوكس مسك ايدها ولفها ورا ضهرها ولف رجله قدام رجليها وزقها لقدام وقعها على وشها وقعد فوقيها

مهاب :انتى مفكره محدش هيقدر عليكى ياأنثى الديناصور انتى هاه عماله تضربى فيا كل شويه دللتينى من الضرب وانا ساكت وعقول سيبها البت مش حمل يدك لكن لحد اهنه وخلاص جبت آخرى ودلوك حان الوقت انى اكشف عن سلاحى السرى اللى مكنتش راضى استخدمه معاكى لحد دلوك لكن آن اوانه خلاص نيهههههههه 😈
ريناد برقت :سلاح ايه بقولك ايه وربنا ادفنك هنا وازرع عليك صباره 🌵

مهاب :معخافش ودلوك حضرى نفسك لسلاحى الفتاك وقرب منها وميل على ضهرها وعضها فنص ضهرها قوى خلاها صرخت من الالم وقام جرى

ريناد :بتعض بتعض يامهاب كلب سعران.. دى حركه ستات دى على فكره وبتمد ايديها ورا ضهرها عاوزه تطول مكان العضه مش قادره وعماله تتنطط من الالم

مهاب وهو بيجرى :ايوه ععض ومش هتطوليها عشان عاضضها فى حته محدش يقدر يطواها بيده 😄
ريناد بغيظ :هو دا سلاحك السرى يامعفن

مهاب بغمزه :ايوه هو امال انتى فاكره ايه ههههههع عارف تفكيرك منحرف انا يامتحرشه 😆
ريناد كشرت وجريت وراه وهو بيجرى منها بطريقه كوميديه وهى وطت مسكت حجر ومهاب فضل يجرى يمين وشمال وهو بيضحك لغاية ماوصل البيت وقعد على السفره وهو بينهج بصتله قمر وبصت لريناد اللى داخلت وراه وهى شايطه

قمر بصت لمهاب :عملتلها ايه يا كياد خليتها شاطت كدا عالصبح
مهاب :عضيتها 😄
قمر ضربت على صدرها :يمرى
ريناد :😢اخوكى اتسعر
قمر :معلش ياحبة قلبى من حبك طلب نغاشك
مهاب :حبك حنش انتى وهى يابعيده
ريناد :انشاله انتا ياشيخ

قمر :بس اهدو واقعدو وصلو ع النبى احنا لسه عالصبح اطفحولكم لقمه وكل واحد يروح لشغله

مهاب وهو بياكل بس تعرفى ياجودزيلا:
انتى من امبارح ساويتى اكتر من ٣فدادين يافقريه والله انتى المفروض مكانك مش اهنه

ريناد كشرتله :امال مكانى فين ياخويا
مهاب :مركز البحوث 😄

ريناد :لا والله 😡
مهاب :والله زى ماعقولك اكده انتى المفروض ياخدوكى ويستنسخو منك جيل جديد البلد دى محدش يقدر يهوب ناحيتها لو فيها منك كتير 😂
ريناد بصت لقمر :خليكى شاهده
قمر :بس يازفت لم لسانك عالصبح

مهاب :خلاص سكت اهه.. تعرفو هقبض النهارده واجيب بذور قمح بس المشكله فى الميه الموتور اللى حدانا مهيستحملش يروى دا كله دى ارض صحرا وعطشانه

ريناد :طب والحل
مهاب اتنهد :محتاجين بير كبير وموتور ميه شديد
ريناد :خلاص خد ال...وقبل ماتكمل
مهاب :خدك ربنا يابعيده يلى معتفهميش وقام مشى راح لشغله

ريناد خرجت تكمل شغل واثناء ماهى مشغوله سمعت صرخة قويه من قمر سابت الفاس وجريت عليها لقتها واقفه فى زاوية المطبخ وبتصرخ

ريناد :مالك فيه ايه
قمر شاورت بصباعها ريناد بصت لقت تعبان صغير راحت ناحيته وداست علي دماغه برجلها وهو لف جسمه على رجلها وهى مسابتهوش الا لما جسمه ارتخى ومات

ريناد :انتى خايفه من ده دا صغنون يابنتى
قمر :عيمَوت ولا معيموتش تفرق ايه كبير ولا صغير يعنى
ريناد :دانتى قلبك خفيف اووى مع انك صعديه وواخده على التعابين والكلام ده

قمر :له يختى مواخداش وعخاف منه قوى الواكلهم ده وحاولى تفهمييينى انا ومهاب واخدين الجنسيه الصعيديه لكن تفكيرنا وتربايتنا اسكندرانيه زى امنا

ريناد:طب احمدى ربنا بقا عشان المنطقه دى مفهاش تعابين لاننا من يوم ماجينا ملقناش حاجه خالص هما كام عقربه بس

قمر :الحمد لله ربنا عارفنى
ريناد :طب يلا هسيبك انا واروح اكمل
قمر :خدى الاخ ده فيدك وارميه بعيد عنى
ريناد مسكت التعبان وخرجت بيه وهى بتضحك على جبن قمر

مهاب فى شغله سرح فى سلمى اللى واحشاه جدا وابتسم وفجأه راح على صاحب الشغل واستأذن منه وركب موتيسكله وراح على البلد
وصل البلد وكل اهل البلد لما شافوه اتلمو عليه والكل بيسلم ويحضن فيه وعرف من الناس ان سرايتهم اتباعت وكل واحد من اخواته بنى سرايا اكبر واحسن منها وان سلمى مع مروان وعرف مكان السرايا وراح عليها

مهاب خبط على الباب وخرجتله سلمى واول ماشافته جريت عليه وحضنو بعض وسلمى دموعها نزلو بغزاره واخدته ودخلته المضيفه

سلمى :هونت عليك ياولد ابوى كل المده دى متسألش عنى ولا تكلمنى فى التلفون حتى

مهاب :معلش كنت مشغول قوى المهم عامله ايه انتى
سلمى حطت ايدها على خده وبتتجول بعنيها على هدومه ومنظره :سيبك منى انا
انا زينه المهم انتا كيفك وعامل ايه وقمر المخبله عامله ايه وقاعدين وين انتامتعرفش انا قلبى كان واجعنى عليكم كيف كل المده دى
مهاب :هحكيلك كل حاجه بس لما ارجع من عند حسن اصله وحشنى قوى
سلمى :انا هاروح معاك استنى وجابت طرحتها لبستها وحاضنه دراع اخوها وخارجين من من المضيفه قابلهم حمد ومروان

حمد بأبتسامه فضل يلف حوالين مهاب :
وه وه وه مهاب؟ انتا لساك عايش !بس شفت ياد يامروان الحلو لما تبهدله الايام مالك ياولد شمس اكده صديت وخربت ووشك الحلو اتحرق كده ليه اباااى

مهاب اخد سلمى وخرجو من غير مايتكلم ولا كلمه
مروان :شكله اتمرمط قوى ههههههههههههه
وانا اللى فاكره عيتمرضغ فى العز إن بعض الظن اثم صوح

حمد :سيبك منه وخلينا فشغلنا
مروان :مهو ده لي شغل عنديه برضك
حمد ابتسمله بخبث :مهترتاحش انتا واصل الا لما تعمل اللى فراسك
مروان :عحبك وانتا فاهمنى

مهاب وسلمى راحو المقابر وقرو الفاتحه لحسن وقعدو سوا كتير ومهاب حكالها كل حاجه من ساعة ماساب البيت لغاية دلوقتى

سلمى :طلعت بت حلال ريناد دى واصيله قوى والله مفيش منها فى الزمن ده

مهاب :ايوه لكن يخساره الحلو ميكملش
سلمى :ليه يعنى دى حتى جميله قوى
مهاب :بس عامله زى شوال البطاطس جسمها كله مطبات ومرتفعات ومنحنيات وكعاكيل

سلمى ضحكت عليه :ياولد ابوى المثل بيقول الوحده ابوها يحبها غنيه وجوزها يحبها عفيه
مهاب :مهى المشكله انها عفيه قوى عفيه زياده عن اللزوم عفيه بغباوه
سلمى :دى رزق من عند ربنا باعتهولك حافظ عليها ومتفرطش فيها وخصوصا انك عتقول ان البت مياله ليك

مهاب :بلا مياله بلا هم ياشيخه دى ولا بتلبس لبس زين ولا بتعمل كيف الحريم معتعمل حتى عشان اشوفها من زاويه جديده الا كل زواياها خربانه

سلمى :هتعمل وتلبس لمين وانتا صاددها دايما وكاسر نفسها الوحده لما تلاقى الراجل الحنين عليها وعيحبها عتعمل المستحيل عشان تفضل حلوه فعينه وتتربع جوا قلبه

مهاب : طب بمناسبة القلوب والدباديب دى ايه اخبار محمود

سلمى وشها احمر ووطت للارض :طلبنى من حمد وجاى بعد شهر ونص وهنتجوزو علطول
مهاب :ربنا يتملك على خير يابت ابوى ابقى ادعيلى يرزقنى ببت الحلال انا كمان لكن فين اللى هترضى بواحد عدمان مفلس زى حلاتى

سلمى :ربنا رزقك بيها وقاعده جوا بيتك وعايشه وراضيه بس انتا اللى عامى عنيك عنها
مهاب :يبووووى هتقولى جودزيلا تانى
سلمى :😄يخرب مطنك مسميها جودزيلا
مهاب :اعمل ايه ملاقيش اسم يليق عليها غير اكده
سلمى :ربنا يهديك ياولد ابوى عموما هانت وهتجوز واخلص من سجن حمد ومروان واقدر اروحلكم وهشبع منكم براحتى واشوف موضوعكم ده

مهاب :ربنا يسهل يلا سلام عشان اتأخرت يدوبك على اكده
سلمى :انتا لحقت دنا مشبعتش منك
مهاب :معلش الايام جايه
سلمى :طب السلام امانه لقمر وريناد
مهاب يوصل يلا اركبى اوصلك قدام البيت

وفعلا مهاب وصلها البيت وطلع بالموتوسيكل لكن ميعرفش ان فيه حد وراه مراقبه

مهاب وصل بيته وبعد منه وصلت عربيه نص نقل وقفت قصاد البيت ونزل منها واحد وراح على بيت مهاب ونده عليه

مهاب بأستغراب :ايوه وخرجله
الراجل :معلش يابلدينا البنزين شطب منى ملاقيش عندك نمرتين بنزين يوصلونى لاقرب بنزينه بس
مهاب :موجود يابو عمه ثوانى هجيبلك ولف ورا البيت وجابله البنزين
الراجل اخد منه البنزين وشكره ومهاب راح معاه عند العربيه

الراجل :الا انتا ساكن هنا ليه فى الصحرا دى
مهاب :دى ارضى ودا بيتى وقريب بعون الله مهتبقاش صحرا
الراجل :هتزرعها ياك
مهاب :بأذن الله
الراجل :بس دى على رصيف وقريب هتدخل كاردون مبانى ولو زرعتها مش هتكسب منها زى ماتبيعها مبانى
مهاب :معاوزش اكسب انا عاوز ازرع وافلح فى ارضى

الراجل :عموما ربنا يعينك ومتشكر على البنزين ومد ايده فجيبه
مهاب :هتشتمنى ياك ؟
الراجل طلع يده من جيبه وابتسم معاش اللى يشتمك يابو الكرم والجود سلامو عليكم

مهاب :وعليكم السلام ربنا يسهل طريقك
الراجل اتحرك ومهاب دخل البيت واتغدو سوا وحكالهم عن زيارته لسلمى وحسن وعن جواز سلمى اللى اتحدد بعد شهر ونص وقمر وريناد فرحو لسلمى جداااا
قمر اتنهدت :عقبالى يارب
مهاب :اتحشمى يامفضوحه
قمر :ليه لا هو عيب ولا حرام دا الجواز ستره ربنا يسترنى قريب ياااارب

ريناد ومهاب :😄😅

مهاب خرج مع ريناد للارض وابتدو شغل فيها
ريناد :مجبتش بذور قمح ليه وانتا جاى
مهاب :استأذنت من صاحب الشغل ومقبضتش هجيب بكره وانا راجع وعلى فكره كفايه كده اللى صلحناهم دول كفايه قوى مهنقدروش نزرعو غيرهم دا لو قدرنا اصلا نزرعوهم

ريناد :هنقدر بأذن الله ربنا معانا .....بقولك يامهاب عندى اقتراح كده

مهاب :غنى
ريناد :ايه رأيك انا شايفه ان احنا ساكنين فى مكان بعيد عن العمار بمسافه كبيره وعربيات النقل التقيل والنص نقل المسافره ببضايع بتعدى كلها من هنا ايه رأيك لو نجيب بنزين من البنزينه اللى بتشتغل فيها ونعمل تانده كده ونحط جراكن بنزين واصحاب العربيات هيشترو مننا وانتا هتجيبه بسعر اقل وتكسب فيه
مهاب بصلها وسكت
ريناد :امممم واضح رأيك فى الفكره انسى
مهاب :معندكيش صبر واصل عفكر عقلبها فمخى الاول قبل ماأرد أبردى هبابه

ريناد بصوت واطى :والله ماحد بارد زيك ياشيخ
مهاب :سمعتك على فكره ياطويلة اللسان وع العموم الفكره حلوه وعجبتنى حضرى نفسك عشان تبنى تانده نحطو تحتيها جراكن البنزين وانا هكلم صاحب البنزينه يدينا بنزين على كده وياخد تمنه بعد مايتباع وهو بيحبنى وهيوافق

ريناد :وانشاء الله هبنى لوحدى ولا ايه
مهاب :وانا اقدر اسيبك برضو يادينصورى انتى ياقمر
ريناد متكلمتش
مهاب :وه مزعلتيش يعنى
ريناد :مش هاخد عليك من هنا ورايح اصلا اللى زى حلاتك جف من عليه القلم اصلا

مهاب : وه يعنى ايه انا مجنون قصدك ؟
ريناد :انا....قلت كده لاسمح الله
مهاب :امال القلم بيجف عن مين غير المجانين يابت المستخبى انتى طب تعالى عاد هوريكى الجنان اللى على اصوله وجرى وراها وريناد جريت وهى بتضحك ووقعت ومهاب وقع عليها وبصو لبعض وسرحو فى ملامح بعض كتير وريناد كان نفسها ترفع اديها وتضم مهاب اللى جسمه فوق جسمها وتدفن راسها فحضنه وتشبع من ريحته الرجوليه اللى بتسكرها وتخليها تروح فى دنيا تانيه ومهاب مركز فى عنيها قوووى

مهاب وهو تايه وبصوت واطى :عنيكى حلوه قوى
ريناد : وعنيك كمان
وجالهم صوت جمبهم :
قمر :وعنيا انا كمان حلوه زييكم 😊

مهاب ارتبك وقام من على ريناد :اصل هى وقعت وانا
قمر :عارفه ياولد ابوى متبررش هى الجازبيه الارضيه بت الكلب اللى عتعمل اكده عارفاها انا يعنى فكرك هقول عتحبو فبعض مثلا أاااابدا هى جازبية نيوتن وتفاحته اللهم عريس يارب كل شويه توقعنا الجازبيه اكده مع بعض

مهاب :غورى ياقمر شوفى وراكى ايه
قمر :موراييش فضيت وجايه اقعد معاكم 😁
مهاب : خلاص اقعدى انا رايح الحمام وراجع

بعد مامشى ريناد مسكت قمر من شعرها :انتى ياجزمه كل مااخوكى يقربلى بتطلعى منين مبلحقش اتهنى بلحظة القرب
والاقيكى زى القطر داخله جوا اللحظه

قمر :منتو تخلو حداكم دم وتراعو حالة التصحر العاطفى اللى عندى وتتلمو عشان عغير ولعلمك مهخليش حد يتهنى طول منا لحالى ومعنديش حبيب يانعيش عيشه فل ونحب احنا الكل يامحدش يحب واصل نييههههههههههههاااااا عاااااااااا

ريناد بتخبط ايديها فبعض : وربنا انتى واخوكى عاوزين تكشفو مخ واعصاب انا مش عارفه مستشفى المجانين سيباكم طلقاء ازاى وسط الناس

قمر :اخررررسى دنا ست العاقلين كلهم
ريناد :واضح جدا قومى يلا امسكى الفاس ده واشتغلى شويه

قمر :كان بودى ياحبيبتى والله لكن للأسف انا لم اخلق لمثل هذه الاعمال
ريناد :اه سورى نسيت انك لم تخلقى لحاجه خالص وانك عاله على البشريه وان وجودك زى عدمه فى المجتمع والكلبه لايكه احسن منك

قمر :انتى فاكرانى هزعل من كلامك ده ابد ابسكوكلى لان دى الحقيقه البحته
ريناد :ابسكوكلى 🤔
قمر :ايوه واوف بورص
ريناد مسكت حجر ونشنت على قمر اللى جريت من قدامها وهى بتصرخ

ريناد ومهاب خلصو شغل وكالعاده قاعدين قدام البيت بالليل
قمر :ولع نار بسرعه يامهاب الدنيا بردت قوى ششششححح
مهاب : معلش استحملى كلها شهر ويطلعلك الحر وتتشوى اهنه
قمر :الله يطمنك بالخير 😢
مهاب :😚
مهاب بص لريناد اللى سارحه ومتكلمتش ولا كلمه ولا حتى انتبهتلهم لما كلموها وهما بصو لبعض بأستغراب

ريناد كانت بتفكر فى رعد اللى واحشها جدا وحست اد ايه هى محتجاه ومحتاجه لمامتها رهف فى الوقت ده جدا حتى عشان تشكيلها عن تعب قلبها ده وتترمى فحضنها
ريناد حضنت نفسها وغمضت عنيها وهربت من عنيها دمعه خلت مهاب يحس بديق شديد ميعرفش سببه ايه يمكن لانها اول مره من يوم ماعرفها يشوف دموعها يمكن عشان مبيحبش يشوف دموع ست ولا يمكن عشان اول مره يحس ان ريناد ضعيفه وضعفها ده ينزل فى صورة دمعه

قمر بصتله قوى بعتاب وهو فهم انها بتلومه هو على دمعتها اللى اتمردت ونزلت دى

مهاب حس فعلا ان هو السبب فى دمعتها وقام يتمشى فى الارض وهو بينفخ بديق

قمر قربت على ريناد واخدتها فحضنها وفضلت تملس على شعرها كتير وتطبطب عليها

مهاب وهو بيتمشى :انتا ليه زعلان قوى اكده انتا معميلتش اى حاجه غلط بالعكس انتا صح انتا معشمتهاش ولا اديتها امل بالحب
هى غبيه لوحدها وحبتنى اعملها ايه انا قلتلها بكل الطرق انى معحبهاش ولا هحبها

بس ليه دمعتها كادتنى قوى اكده وكانها نازله تكوى فقلبى زى مية النار
مهاب :عشان وليه ومهما كان ضعيفه وانا معحبش اشوف دموع الولايا من زمان طيب مش يمكن اشتاقت قوى لاهلها وعتبكى على فراقهم مش بسببى عموما انا بكره هروح لاهلها واجيبهملها عشان تشوفهم ويشوفوها واتفق مع ابوها بعد امتحانات قمر اعقد عليها واطلقها وخليها تشوف حياتها ودراستها عاد وانا اشوف حياتى

قمر :ريناد ياختى
ريناد :هممم
قمر :والله قربك حلو بس انا صدرى اتطبق 😢وانتى ميلتك دى اوعر من ميلة الزمن ياخيتى

ريناد ضحكت غصب عنها وقامت من حضن قمر
قمر :تزعليش منى بس الناس حمول وانا مش حملك يابت عمى انا ضعيفه والله
ريناد ضحكت اكتر

قمر :يلا ننامو وارمى حمولك على الله وهو اللى هيعدلها قومى قومى
ريناد مدت ايدها لقمر عشان تقومها
قمر :والله لو فيا حيل مااعزه عنك ابدا دنا لو قومتك يجيلى فتاق بصى مقدراش تقومى احبى حبيه بس بعدى عنى
ريناد ضحكت بصوت مكتوم

قمر :قدامك انا على ماتلقى وسيلة المواصلات المناسبه ليكى وتحصلينى
فجأه ايد اتمدت فى وش ريناد بصت لقت مهاب واقف ومادد ايده ليها ريناد لمست صوابعه باطراف صوابعه ومشت ايدها جوا ايده وهى باصه فى عنيه مهاب قومها وشالها مره وحده على كتفه وجرى بيها سابق قمر ودخلها هى الاول وحطها على السرير وابتسملها وخرج
ريناد ابتسمت ورمت نفسها على السرير لورا ونامت
قمر :شوفتى انا لو قومتك مكنتيش هتلاقى المواصله دى انا فيا شيئ للاه خدى منى البركه يلا ومدت ايدها وحطتها على راس ريناد وبعدين تفت فى بطن ايدها ومدت ايدها على دماغ ريناد

ريناد :الله يقرفك يامعفنه امشى من هنا غورى وربنا متنامى جمبى غير لما تغسلى اديكى وتعقميها وقامت تزق قمر لبره

قمر وهى ماشيه :دى البرررررركه دى البرررركه

ريناد :غورى يلا كُتلة عفن انتى عارفه طلعتى كام ميكروب على ايدك من بوقك
وتلاقيكى بتعملى كده وانتى بتطبخى وملتينا امراض غووورى

قمر راحت الحمام غسلت ايدها وجات لريناد وهى بتضحك
ريناد :مش متصوره الحركه اللى عملتيها دى خلاص نفسى قفلت منك لفى الناحيه التانيه

قمر لفت ونامت وريناد كمان نامت .وبعد ساعات النور ابتدا يبدد ضلمة الليل وقمر بتتقلب على الصوت اللى بتعمله ريناد

قمر :قايمه تصفرى ليه عالصبح اتهوستى ياك

*سسسسسسسسسسسسسسسسسس
قمر :يبوى عليكى نومة الصبح حلوه قوى اسكتى وحياة ابوكى
*سسسسسسسسسسسسسسسسس
قمر شالت الغطا من على وشها :نفسى افهم بتبسبس........ وبصت لقت تعبان كبير واقف مابينهم على الغطا ورافع نفسه ونافخ دماغه وكان من نوع الكوبرا

قمر وهى بتترعش بطريقه خلت الغطا يتهز وبتتكلم بصوت مهزوز

قومى يامبروكه ..اصحى يابومه... نبرتى وقلتى معنلقوش حاجه اهو جالك يابت ريح بالك يابت 😨
ريناد هزت دماغها واتأففت وشالت الغطا من على وشها مالك يافقر بتعددى على ايه عالصبح وبصت لقت التعبان ساب قمر ولف بجسمه عليها برقت وسكتت

قمر بصوت واطى :ايوه هى دى الى كتلت ولدك امبارح داست عليه برجلها زى الكلب وحرقت قلبك على ضناك اطبق فيها يلا وخد تارك وامشى

ريناد بصوت واطى :اخرسى هيهجم عليكى
قمر :له هو جايلك انتى صورتك اطبعت فعين ولده وهو شافها
ريناد :ههههههههه😆
قمر :عتضحكى وانتى على فراش الموت يخرب مطنك شهدى ووحدى واستغفرى بسرعه

ريناد :يابنتى اسكتى مش عارفه افكر

التعبان فضل ينقل دماغه مابينهم يبص لقمر ويرجع يبص لريناد

قمر :بيعمل حادى بادى بس ياترى ياحزين بدأت بمين فينا الاول 😢

ريناد مدت ايديها الاتنين من تحت الغطا ورفت الغطا من عليهم بسرعه ورمته على التعبان اللى اول ماريناد عملت الحركه دى اتحرك بسرعه نزل من على السرير وريناد بسرعه ميلت وهى نايمه على السرير ومسكته بطريقه محترفه من ورا الدماغ علطول ومن عند الديل

قمر اتشاهدت وقعدت نص قعده على فكره انتى عملتى بالظبط كيف ماكنت عفكر بالظبط كل الحركات دى فكرت فيها وبعتهالك انتى بالتخاطر الفكرى 😊

ريناد بصتلهاوسابتها وخرجت وهى ماسكه التعبان فى ايدها خرج مهاب فى اللحظه دى وهو بيتاوب ونط لورا مره وحده من المنظر

مهاب :ايه يارناد ايه ياماما عتلعبى بالتعابين ؟
كوخ ياماما كوخ عتعض وتموت ياحبيبتى ارميه 😢

ريناد بتقرب منه بخبث والتعبان فى ايدها ومهاب يرجع لورا وبينادى على قمر
قمر الحقينى يابت ابوى
قمر بترد بصوت عالى :مقدراااااااااش
مهاب :عملت فيكى ايه خلت التعبان يعضك ولا ايه
قمر :له بس وانا بشرب كباية الميه وقعت فى حجرى 😁
مهاب :امممم قولتيلى ...كباية الميه
ريناد فى الوقت ده ضحكت وخرجت بالتعبان ورمته بره البيت وموتته
قمر خرجت وراها ومسكته دفنته بعد مامات

ريناد :ليه كده
قمر :امال يشوفوكى فعنيه وتجينا مرته وابوه وامه وعياله وكل القبيله بكره زى ما ده جا على ولده النهارده
ريناد 😅يابنتى دا نوع وتعبان امبارح نوع تانى خالص
قمر :مليش صالح بيكى الاحتياط واجب

دخلو حضرو الفطار وبيفطرو
مهاب :هاه ايه قصة التعبان ده بقى لقتوه فين
قمر :اسكت ياخوى صحيت لقيت ريناد عترط وتبرطم فى الكلام لحالها ببص لقيت اخينا ده واقف كده وسطينا وعمال يتلفت علي شويه وعليها شويه وهى الحزينه واخداها رط رط وانا اقولها اهدى خلينى اعرف افكر مفيييش
ريناد :😳
قمر :وقمت مره وحده ربنا الهمنى ورفعت الغطا ورميته عليه الجبان نزل من السرير دلدلت نفسى ومسكته من رقبته وديله واديته لرناد قولتلها ارميه بره

مهاب :الكلام ده قبل الميه متوقع فى حجرك ولا بعد
ريناد :😂هههههههه
قمر :😁
مهاب :طيب قومى ياشجيعة السيما طلعى وكل كتير واطبخى وكل حلو وبالله عليكى متخلى ريناد تطبخ النهارده جيالنا ضيوف ولو طبخت ذمبها على جمبها هى الخسرانه

قمر :ضيوف 🤔طب فيهم رجاله 🤗
مهاب :اتلمى يام ..........
قمر :😁
ريناد:😂
بقلم/ ريناد
***********************
عند مروان فى الفيلا
قلتلى ساكن فى الصحرا والارض ملكه اه يبن شمس جبت فلوس الارض دى من وين كنت عتسرقنا طول السنين دى ؟

لا والارض كمان كام سنه تدخل كاردون مبانى والله عال يامهاب الكلب .
طيب روح انتا دلوكيت وطلع موبايله ورن على حمد
مروان :عرفتلك ولد شمس فين بص ياسيدى شوف الحلاوه ..................................
حمد :طب سيبه اوعاك تروحله دلوك عشان نمخمخوله فحاجه زينه اكده نرجعو بيها ارضنا اللى اشتراها بفلوسنا وفلوس ابونا واحنا فاكرينه قطه مغمضه طلع ديب مسعور لا وانا مستغرب انه متكلمش على ارضه اللى بعناها اهنه اتاريه دفيان ومتغطى بالقوى ولد شمس حاضر ياولد ضرة امى ان ماربيتك ده يبقى على مره مش على راجل

*******************
مهاب قدر يعرف عنوان بيت احمد المصرى وعنوان شركته من ريناد بطريقه غير مباشره وراح على الشركه واستأذن ودخل
احمد اول ماشافه ديق حواجبه لانه شافه قبل كده لكن مش فاكر فين

مهاب دخل عليه ووقف قدامه ومدله ايده :
انا مهاب جوز بتك ياعمى
احمد وقف مره وحده ومسك ايد مهاب بأديه الاتنين
احمد :بنتى فين وعامله ايه ارجوك يابنى طمنى انتا مش عارف حالتنا عليها عامله ازاى

مهاب :اطمن ياعمى والله وهى كمان حالتها متقلش عنكم ومتوحشاكم قوى وده اللى جابنى النهارده عشان اخدكم تشوفوها

احمد :طب مجبتهاش معاك ليه وانتو قاعدين فين
بقلم /ريناد
مهاب :مكنش ينفع اجيبها وهقولك كل حاجه هناك لما نروحو لريناد يلا قوم تعالا معايا

احمد بفرحه :طيب ثوانى هكلم مامتها واخوها يجو معانا دول هيتجننو من الفرحه لما هقولهم انهم هيشوفو ريناد ومسك تليفونه وطلب رقم

احمد : ايوه يارعد اطلع هات مامتك وتعالالى على الشركه حالا هنروح لرينوو وقفل السكه من غير مايستنى رد

احمد لمهاب :اقعد يبنى اتفضل تشرب ايه
مهاب :متشكر ياعمى ولا حاجه
احمد:لا ازاى لازم تاخد واجبك ورن جرس جاله الساعى
واحد عصير مانجه فريش واتنين قهوه مظبوط يبنى بسرعه

احمد :طمنى على ريناد عامله ايه وانتو سبتو البلد ورحتو فين انا رحت انا واخوها هناك وقالولنا انكم سبتو البلد ومحدش عارفلكم طريق
مهاب :دى قصه طويله احنا نروحو هناك وهنتحدتو فكل حاجه
احمد :براحتك يبنى وفضل يتأمل فى مهاب اللى ملامحه واسلوبه ميوحيش بأنه صعيدى ابدا هى بس اللغه هى الحاجه الوحيده اللى تخلى اللى قدامه يعرف انه صعيدى

مفيش نص ساعه ورعد ووالدته كانو قدام الشركه ورعد رن على بباه واحمد نزل هو ومهاب وشافه رعد وقابله بنظرات ناريه ومهاب ابتسم وعزره عشان هو كمان عنده اخت وعارف غلاوتها وميتخيلش فيوم انها ممكن يحصلها زى ريناد وراحله وسلم عليه هو ورهف اللى دموعها مغرقه وشها

مهاب بجنتله :امال فين مامت ريناد مجتش معاكم ليه
رهف :انا امها ياوليدى
مهاب :بتهزرى اكيد لا طبعا
رهف:وربى ريناد بنتى
مهاب :مستحيل اللى يشوف حضرتك يقول صحبتها اختها الصغيره لكن مش مامتها ولا حتى مامت حضرت الظابط

رعد :لا صايع يله
مهاب :اعجبك 😄
رهف :وينها بنتى وين حبيبة قلبى ومين حضرتك
احمد :ده يبقى مهاب جوز بنتك
رهف بدهشه بتبص على لبسه وشكله ولباقته فى الكلام : لا دتشاقو
مهاب :دخيل المغترب اروح فدوه لاهل العراق واللى بيجى منها 😍

رعد :اله اله دا احنا انتجرنا اوى نزلت من فوق الحماره امته
مهاب :لسه واصل حالا وركنتها فى الباركينج بتاع الشركه
احمد بأستغراب :هو انتا جاى بعربيه يبنى
مهاب :لا الحماره اللى بيقول عليها رعد باشا

رعد ابتسمله ابتسامة استفزاز وركب العربيه والكل ركب معاه وساق بأقصى سرعه على بيت مهاب

وصلو البيت فى وقت قياسى وكان خلاص المغرب ونزلو كلهم من العربيه مستغربين المكان اللى دلهم عليه مهاب الكل بيبص حواليه مفيش غير صحرا ورمله صفرا مفيش غير البيت ده المبنى بس

مهاب مشى قدامهم وهما مشيو وراه وكل واحد بيبص للتانى ولمحو واحد من بعيد بيفلح فى الارض بالفاس ولما مهاب وقف ودققو كويس شافوها والكل فى صوت واحد
رينااااد ؟
رعد فورا طلع مسدسه وحطه على جبين مهاب وعمره وجاهز على الاطلاق

ياترى ايه هيحصل ؟
احداث كتير مشوقه وخفيفه وظريفه فى انتظاركم
واللى ضحكت وهى بتقرا تورينى احلا لايك وكومنت
بقلم /ريناد رينوووو

يتبع الفصل الحادي عشر اضغط هنا



reaction:

تعليقات