رواية فريدة وعمر كاملة جميع الفصول بقلم شيماء نائل على مدونة كوكب الروايات
رواية فريدة وعمر الفصل الأول
- اتفضلي ادخلي يا بنتي .
دخلت البيت كان شكله حلو مش كبير اوي ومش صغير . بس الالوان مبهجه .
فوقت من سرحاني علي صوت جدي .
- هتفضلي واقفه كدا يا فريده يلا علشان اوديكي اوضتك .
هزيت راسي ومشيت معاه .
كانت الاوضه جميله الوانها مش بطاله .مترتبه ونضيفه .
استأذن جدي وخرج وانا قعدت علي السرير .
" فريده 25 سنه ، جدي طلب مني اجي اعيش معاه بعد ما بابا وماما ما توفوا انا خريجه صيدله سيبت شغلي في القاهره علشان اجي هنا اسكندريه عند جدي واستقر معاه بدل ما اعيش لوحدي ".
غيرت هدومي ونزلت اتفرج علي البيت .
شوفت جنينه صغيره بس شكلها حلو .
- الله يا جدو انت زارع فراوله هنا .
ابتسم .
- وورد كمان . هسيبك انا بقا تتفرجي وهدخل ارتاح شويه .
- طب يا جدو انا هنزل ادور علي شغل .
- متتأخريش .
- حاضر.
- هتعرفي تنزلي تدوري ولا اجي معاكي ؟
- متقلقش هسأل وهحاول .
- ماشي .
سابني ومشي وانا نزلت ادور علي شغل في صيدليه .
بس ملقيتش ورجعت تاني البيت .
نمت وصحيت كانت الساعه 12 بالليل .
نزلت لقيت جدو صاحي سهرت معاه شويه وبعدين هو طلع ينام وانا اخدت روايتي وعملت قهوه ونزلت الجنينه .
اندمجت في الروايه وسرحت وبرفع عيني شوفت خيال .
خوفت ومسكت موبايلي ونورت بالكشاف بس مافيش حد .
- اهدي اهدي يا فريده اكيد بتتخيلي .
حاولت اطمن نفسي وبعدين كملت قرايه في الروايه ..
المرادي حاسه ان الخيال ظهر تاني مسكت روايتي في ايدي وتليفوني وجريت بسرعه علي جوا وطلعت اوضتي وقفلت الباب وحاولت انام .
صحيت الصبح كانت الساعه 11 غسلت وشي ولبست وخرجت ادور علي شغل تاني بس مش لااقيه .
رجعت وانا مخنوقه ودخلت ادور علي جدي لقيته قاعد مع حد في الجنينه .
- تعالي يا فريده ، دا عمر جارنا هنا كان مسافر ورجع . دي يا عمر فريده بنت اخويا جايه تعيش معايا هنا .
- اتشرفت بمعرفتك .
ابتسمت .
- وانا كمان .
- طيب استأذن انا بقا .
- ليه يا بني ما انت قاعد .
- معلش مره تانيه .
استأذن ومشي .
- مالك يا فريده .
- مافيش يا جدو دورت علي شغل ومش لااقيه .
- طيب متزعليش بكره تلاقي يابنتي .
هزيت راسي وسكت .
كل يوم كنت بنزل ادور علي شغل عدي اسبوع وانا قاعده مش عارفه اعمل اي .
كنت بسقي الورد في يوم وقعدت اقرأ في روايتي وسمعت صوت خروشه . تجاهلت الموضوع وكملت قرايه .بس الصوت بدأ يتكرر قولت قطه ولا اي حاجه .
لما الصوت بدأ يتكرر اتعصبت وقومت اشوف في اي وبدأت ادور في كل حته في الجنينه .
لما قربت من الفراوله اللي زارعها جدي لقيت خيال فا تلقائيه مني روحت عند الخيال دا ولاقيت حد طويل ومديلي ضهره .
صوت وجريت علي جوا وجدي طلع علي صوتي .
- في اي بتصوتي ليه ، عمر!! بتعمل اي هنا .
اتخضيت لما لقيته .
- عمر !!! هو انت . يا جدي الحقني الاستاذ دا كان في الجنينه بتاعتك مستخبي . ياجدي دا حرامي .
- اشش اهدي . يا جدي انا مش حرامي ..
قاطعته.
- لا حرامي امال كنت بتعمل اي في الجنينه بتتشمس .
- انا مش حرامي ..
- بس انتوا الاتنين . فهموني حصل اي
- يا جدي انا كنت قاعده في الجنينه ولقيت اللي اسمه عمر دا واقف عند الفراوله بتاعتك وبيسرق منها .
- مسرقتش يا جدي .
وقفت قصاده وحطيت ايدي في وسطي وانا بتكلم بعصبيه .
- امال اللي علي بوقك دا اي يا استاذ عمر .
- خلاص يا فريده حصل خير وبعدين اللي انتي متعرفيهوش اصلا ان عمر هو اللي ساعدني اني ازرع في الجنينه دي .
كان عمر باصصلي بعصبيه .
- عرفتي اني مش حرامي يا اسمك اي انتي .
- خلاص استهدوا بالله بقا .
جدي اخدنا وخرجنا للجنينه .
- عملت اي في مشروعك يا عمر .
- شغال فيه يا جدي بس محتاج بس حد يشتغل معايا .
- طب ما تاخد فريده .
- لا طبعا انا مش هشتغل مع الكائن دا . حرامي الفراوله .
- قال ياعني انتي لااقيه شغل اووي .
- لعلمك انا بيجيلي شغل كتير بس انا اللي برفض .
- فين الشغل دا يا فريده اللي بيجيلك ؟
- بيجيلي كتير يا جدي .
ضحك جدي وعمر .
وانا اتنرفزت منهم وخرجت .
عمر استأذن ومشي وانا خرجت اتمشي .
رجعت البيت وقعدت مع جدي .
- واستاذ عمر دا بقا شغلته اي اصلا .
ابتسم جدي.
- كان شغال برا مصر ورجع علشان هيفتح صيدليه.
- فتح دماغه .
- فريده !
- هسكت خلاص .
- وعلي فكره هو محتاج حد يشتغل معاه .
- خليه محتاج.
- لا ماهو مش هيبقي محتاج لانك هتروحي .
- ميننن اناا!!مستحيل .
- فريده انتي مش لااقيه شغل اساسا فا وافقي بدل ما يجيب حد مكانك .
فكرت لوهله ماانا فعلا محتاجه الشغل وبعدين كان لاازم اعمل فيها استرونج اووي واقول قدامه اني مش هشتغل .
بعد محاولات من ان جدي يقنعني ، قررت اروحله الصبح اشتغل معاه .
صحيت فطرت ولبست ونزلت عرفت مكان الصيدليه كان يدوب واقف بيرتب الادويه .
دخلت مبقتش عارفه اقول اي . دخلت بأبتسامه سمجه كان ساعتها عاطيني ضهره
- صباح الخير استاذ عمر
الفصل الثاني
- صباح الخير استاذ عمر .
دير وشه وبصلي ورفع حاجبه .
= اهلا وسهلا .
- هو حضرتك مش فاكرني .
= حضرتي ! لا سوري مش واخد بالي .
نفخت وبصتله بعصبيه .
- انا فريده .
اتكلم ببرود .
= وبعدين .
- وبعدين اي . .
اتكلمت بثقه .
- مش انت كنت محتاج حد يشتغل معاك هنا .
= ايوه .
اتكلم بخبث .
= عندك حد ولا اي ؟
اتوترت .
- ها لا اقصد ايوه .
ابتسم ببرود
= ومين دي بقا .
- انا .
= انتي !
- ايوه مالي انا ياعني مش بني ادمه .
= ايه دا هو انتي بني ادمه زينا ياعني .
- وليه الغلط دا بقا .
= مش انتي برضوا بتاعت مستحيل مش هشتغل معاه ولا انا غلطان .
-لا اعتقد انك بتسمع غلط ابقي ركب سماعه .
= والله .
اتكلمت ببراءه .
- اه والله .
= تمام مافيش شغل .
- ايه دا يا عمر مالك قفوش كدا ليه .
= عمر !
ابتسمت بسماجه.
- استاذ عمر .
= اتفضلي ادخلي رتبي معايا الادويه .
دخلت بقيت بشوف هو بيعمل اي وبعمل زيه .
خلصت وروحت وعرفت مواعيدي وقالي ان الصيدليه هتفتح بعد بكره .
روحت الصيدليه اول يوم بعد ما فتحت وكان الشغل مش ماشي اوي لانها لسه في الاول .
بس بعد كدا بدأ يشتغل والناس بدأت تيجي .
اعتقد انها كانت اقرب صيدليه .
مكنش بيبقي فيه كلام بيني وبينه اوي لان انا بكون في فتره وهو في فتره
كنت انا ببقي الصبح وهو بليل .
= السلام عليكم .
- وعليكم السلام .
= هو فين الدكتور عمر
- لا دكتور عمر مش بيجي دلوقتي ميعاده بالليل . فيه حاجه اقدر اساعدك فيها .
= لا بس كنت جايه اشتغل .
- تشتغلي ! بس دكتور عمر مطلبش حد يشتغل معاه هنا .
= لا هو كان قايلي اجي .
- كان قايلك تيجي كمان! عموما هو اصلا ميعاده بالليل مش بيجي دلوقتي .
= خلاص تمام ابقي اجيله بليل .
-تمام ماشي .
مشيت وانا اتضايقت شويه .
يمكن لانه معمليش اي حساب ولا عرفني ان فيه حد هيشتغل معانا تالت .
مكنتش حباها تشتغل معانا ، مكنتش مرتحالها .
بس هو قبل وشغلها معانا عادي لا وكمان بقت معاه في نفس الفتره ! .
كنت قاعده مستنياه يجي علشان امشي .
دخل بأبتسامه .
= السلام عليكم . ازيك .
رديت ببرود .
- وعليكم السلام . الحمدلله وحضرتك .
لقيته استغرب .
= حضرتي ! اه حضرتي كويس تمام .
اتكلمت ببرود .
- فيه بنت جت هنا وطلبت تشتغل وبتقول انك انت اللي قايلها تيجي .
ابتسم .
= اااه نسيتها خالص . وقولتيلها اي .
كشرت .
-قولتلها ان حضرتك بتيجي بالليل هتلاقيها جيالك دلوقتي . عن اذنك .
سيبته ومشيت لقيته خرج بينادي عليا انشكحت وقولت هيسألني في اي .
بينت اني عادي .
- نعم حضرتك بتنادي ليه .
= لا مافيش بس انتي خرجتي من غير ما تاخدي مرتبك انتي ناسيه اننا في اخر الشهر .
مدلي ايده بالمرتب .
اخدته من ايده بتكشيره وشكرته ومشيت .
كان اول مرتب اقبضه من ساعت ما جيت الصيدليه .
قولت هنزل اشتري لبس وحاجات ليا واجيب لجدو هو كمان .
نزلت اشتريت كل حاجه نفسي فيها ورجعت .
= اتأخرتي كدا ليه يا فريده .كدا تقلقيني عليكي .
- والله يا جدو خرجت من الشغل جبت لبس واكل وجيت .
= وريني جبتي اي .
وريته كل الحاجات اللي جبتها .
واكلنا سوا وسمعنا التليفزيون وهو راح ينام وانا قعدت اقرأ في روايتي في الجنينه كالعاده .
كنت مندمجه في الاحداث لحد ما سمعت تليفوني بيرن .
كان عمر بيرن .
- الو .
= الو يا فريده .
- ايوه يا دكتور .
=انتي حاطه الدوا **** في انهي رف .
- الرف التالت علي ايدك اليمين .
سمعت صوت حد جمبه بيقوله عمر . كان صوت بنت .
استغربت وفي نفس الوقت اتضايقت مين اللي بتقول عمر بالطريقه المحن دي . .
اتكلمت بعصبيه .
- حاجه تاني ؟.
سكت شويه وبعدين اتكلم .
= ها لا خلاص كدا .
- تمام .
= سلام .
- سلام.
قفلت معاه ودخلت انام .
عدي اسبوع وكانت منار البنت الجديده بتشتغل معاه في نفس الفتره ..
خلصت شغلي وهو جه استلم مني وكان ملااحظ اني متغيره .
رجعت البيت ... بنادي علي جدو بس مبيردش .
دخلت اوضته اشوفه بس ملقتهوش .
دورت في البيت كله بس مش لاقياه . قولت يمكن في الجنينه .
دخلت الجنينه ..
لاقيته واقع !
صرخت .
- جدوو .
مكنتش عارفه اعمل اي ولا اتصرف ازاي . روحت الصيدليه ل عمر انا معرفش غيره اصلا .
دخلت الصيدليه وكنت بعيط وبنهج .
- ع عمر جدو واقع ومش عارفه اتصرف .
ساب منار لوحدها في الصيدليه وجه معايا علي البيت .
وفوقناه .
- جدو انت كويس ؟ فيك اي
= متقلقيش الدوا بس خلص .
- ومقولتليش ليه كنت جبتلك دواك .
عمر اخد اسم الدوا وقال انه هيجيبله العلاج .
راح الصيدليه وانا فضلت مستنياه بس اتأخر قولت لجدو اني هروح اجيبه وهاجي .
دخلت الصيدليه بس ملقتش عمر .
كنت لسه هدخل المعمل بس سمعته بيتكلم في الفون .
= يابني والله انا اصلا مش طايقها .
- ...
=مش بمزاجي اشغلها انا اصلا مكنتش عايز حد معايا في المكان ...
مستحملتش اسمع باقي الكلام وخرجت من الصيدليه . فضلت امشي في شوارع اسأل علي اي صيدليه افتكرت كلامه انه ممكن يكون بيتكلم عليا . عيني دمعت . ومبقتش عارفه هعمل اي ..
مشيت علي وصف حد كان قايلي لحد ما لقيت صيدليه وجبت العلاج ورجعت البيت بس طبعا اتأخرت شويه لحد ما عرفت اوصل .
دخلت البيت وطلعت لجدو فوق ولقيت عمر عنده .
اتكلم بعصبيه .
= انتي كنتي فين .
تعليقات
إرسال تعليق