Ads by Google X

القائمة الرئيسية

الصفحات

رواية فريدة وعمر الفصل الأخير

رواية فريدة وعمر الفصل الرابع والأخير بقلم شيماء نائل

رواية فريدة وعمر الفصل الأخير

وانا ماشيه معاه فضلت باصه علي ايده وهو ماسكني كأنه ماسك بنت اخته .
ضحكت وكملت مشي معاه .
= بتضحكي علي اي .
_ اللاه ما براحتي .
ابتسم 
= ماشي يا ستي براحتك . 
دخلنا المحل وكان الجاكيت لسه موجود .
عطهولي ودخلت جربته .
اول ما خرجت كان مبتسم .
= شكله حلو علي فكره . 
قرب مني وبدأ يظبطه عليا .
= استني كدا جربي اقفلي السوسته .
قرب مني وقفلها .
رجع خطوه  لورا وحط ايده تحت دقنه .
= في الحالتين حلو .
كنت مكتفيه بأبتسامه . مكنتش فاهمه اي اللي هو بيعمله دا .
= امم بصي شوفي تيشرت تحتيه .
كنا بنبص علي التيشرتات . هو اللي بيبص وبيختار انا كنت في عالم تاني . اختارلي تيشرت .
= خدي التيشرت دا داخل فيه لون ازرق اللي بتحبيه .
كنت لسه هقوله  عرفت منين .
بس لقيته مشي من قدامي وحاسب وشد ايدي ومشينا .
_ ممكن تقف .
= يا نعم يا ست فريده .
طلعت فلوسي من الشنطه .
_ اتفضل دا فلوس  التيشرت والجاكيت .
 ابتسم بسماجه .
= شيلي فلوسك في شنطتك 
_ عمرر اتفضل حد فلوسك.
= قولتلك شيلي فلوسك .
_ عمرررررر .
= فريدهههه .
نفخت بضيق .
لقيته وقفني في الشارع وطلع الجاكيت ولبسهولي .
ابتسمت علي لطفه .
كملنا طريقنا علشان الشغل .
دخلنا مع بعض وكانت ايدي في ايده وكانت صدمه لمنار .
اول ما شوفتها خوفت تفهم غلط ف شديت ايدي بس لقيته بيشدها وبيمسكها .
_ ازيك يا منار .
اتكلمت وهي مذهوله 
- كويسه .
اخدت بعضها ومشيت وانا سيبت ايده وحسيت اني اتخنقت .
مكنش المفروض اسمحله يمسك ايدي ولا حتي انه يشتريلي الجاكيت . بدأت اتجنب اني ابصله او اتكلم معاه وهو بدأ يلاحظ اني متغيره .
كنت داخله المعمل اغسل ايدي بس وقف قدامي .
= مالك؟
بصتله وهزيت كتافي .
_ مافيش . 
عديت من جمبه ودخلت غسلت ايدي وخرجت .
استغليت انه بيجيب لواحد الدوا وحطيت الفلوس في جيب الجاكيت بتاعه .
الوقت عدي بسرعه . خرجنا وقفلنا الصيدليه ومشيت.
 وصلت البيت .
_ جدووو . يا جدوو انت فين .
دخلت اوضته .
_ انت لسه نايم . كل دا نوم .
 هزيته .
_ جدوو .
_ يلا بقا يا كسلان . قوم علشان اوريك جبت اي .
بدأت احس ان فيه حاجه غلط  .
قلبي بدأ يدق . والخوف امتلكني  
 نديت عليه بصوت مبحوح .
_ ج جدو .
مسكت ايده وبشوف النبض  
_ لا لا مستحيل  .
 جدو ونبيي فوق ..  جدوو .. جدوو انا مليش غيرك ... ونبي تفوق خليك معاياا ... متسبنيش . 
مبقتش قادره اتحرك . سندت راسي علي السرير وفضلت ماسكه ايده .
.
مكملتش خمس دقايق وسمعت صوت عمر بينادي عليا . بس مكنتش قادره ارد .
فضل ينادي عليا ويدور عليا لحد ما دخل اوضه جدو .
اتخض من منظري ، قرب مني وحط ايده علي كتفي .
=  فريده مالك . انتي كويسه . جدو كويس .
_ ....
= فريده ردي في اي .
رديت بزعيق . وبعياط 
_ جدووو  مش بيرد  عليا يا عمر .. طب كلمه انت هو هو بيحبك وهيرد عليك .
 عمر قرب منه وبدأ يهزه وهو مش بيرد.
_ فريده اخرجي دلوقتي .
_ لا لا مش هخرج انا هفضل هنا لحد ما يرد .
روحت عند السرير ونمت جمب جدو .
وعمر خرج عمل كام تليفون ورجع .
= فريده يلا تعالي مينفعش تقعدي كدا .
_ ملكش دعوه انا عاوزه انام جمبه هو هيرد دلوقتي عليا .هو عارف اني مليش غيره .
بعديها بعشر دقايق الباب خبط . لقيت اتنين من صحاب عمر دخلوا اكيد عمر هو اللي قالهم .
= فريده تعالي معايا .
_ مش هروح في مكان .
= فريده حبيبتي تعالي بس معايا .
شدني من ايدي وانا كنت بعيط .
خرجنا للجنينه برا .
_ انت اخدتني ليه كنت سيبني قاعده مع جدو شويه .
كان بيهديني.
 ولقيت الجيران اللي حوالينا عرفوا وجدو ادفن .
فضلت بالايام والاسابيع مبخرجش . عمر يوميا   بيجي بس مكنتش برد عليه لما بيكلمني حتي مكنتش بفتحله . اكيد كان بينط للجنينه ومنها بيدخل .
كان عنده صبر فظيع انه يدخل ويفضل يتكلم معايا وانا اصلا مش برد . اي حد تاني كان مل . مكنتش فاهمه هو ليه كدا . هو بيحبني ! . .
= ازيك يا فريده .
_ انت مبتزهقش .
لقيته ابتسم بفرحه
=فريده انتي اتكلمتي اخيراا .
_ حد قالك اني خرسه .
ابتسم.
= لا ياستي مقصدش والله .
_ انا عاوزه ازور جدو .
قومي لبسي وانا هستناكي برا .
خرج وانا فتحت الدولاب وعيني جت علي الجاكيت اللي كان جايبهولي عمر .
ابتسمت ولبسته وخرجت.
اول ما شافني ابتسم ابتسامه خفيفه وخرجنا .
زورنا جدو وبعديها قررنا نمشي عالبحر .
= بقيتي احسن.
ابتسمت ابتسامه خفيفه وانا بهز راسي .
= مش هترجعي الصيدليه  .
حاولت اخرج من المود فا رديت عليه بهزار.
_ طبعا ما حضرتك مصلحتك اهم . فين نفسيتي من كل دا ! .
لقيته رد بتلقائيه.
= لا انتي اهم طبعا .
ارتبكت.
_ ها .
لقيته ابتسم.وسكت .
= بس حلو الجاكيت دا .
بصيت بأبتسامه علي الجاكيت بتاعي ورديت بأستهبال.
_ اه فعلا عاجبني جدا.
رد بنفس الاستهبال.
= مين جايبهولك.
_ حد عزيز عليا جدااااا.
= ايوه اللي هو مين بقا .
_ اللاه وانت مالك.
= عاوز اعرف . مين الشخص اللي زوقه قمر دا .
ابتسمت .
_ اوصفلك شكله 
لقيته حط ايده تحت دقنه .
= اوصفي.
_ انت صدقت ولا اي  قوم قوم ورانا شغل .
= يووه ياستي انتي بتبوظي اللحظات الحلوه .
_ يلا يا عمر يلا يا حبيبي اتأخرنا علي ميعاد الشغل نص ساعهه.
= يا اي؟
_يا عمر .
= اللي بعديها بقا .
ابتسمت وتجاهلته.
_ يلاااا.
= طيب طيب .
مشينا روحنا الشغل .
دخلنا الشغل ومنار اول ما شافتنا كنت حاسه انها فاضل شويه وتخنقني .
- وانا اللي كنت جايه اعزيكي !! ماشاء الله داخله الابتسامه مبتفارقش وشك.
= مناااار .
- دا واضح ان جدك لسه ميت . دا انتي كأنك ما صدقتي .
= منار انتي واعيه للي انتي بتقوليه .
كنت واقفه مش قادره ارد عليها .
لفيت ومشيت بسرعه ..
لقيته خرج ورايا .
= فريده استني . فريده .
لحقني وشدني من ايدي .
_ سيب ايدي .
= مش هسيبها .
اتكلمت بعصبيه .
_ قولتلك سيب ايدي .
اتكلم بصوت عالي..
= وانا قولتلك مش هسيبها. ولا هسيبك انتي كمان تمشي .
_ سيبني لوحدي الله يكرمك .
= واضح انك مبتسمعيش قولتلك مش هسيبك.
_ عاوزه ابقي لوحدي.
= وانا مش هسيبك تبقي لوحدك .
شديت ايدي منه ورجعت خطوه لورا .
_ ارجع لشغلك يا دكتور عمر . واه متنتظرش مني اني اجي الشغل .
= ياعني اي.
_ انا سيبت الشغل .
لفيت علشان امشي .
= فريده انا بحبك .
وقفت مكاني مبقتش عارفه اتحرك .
معقوله !!بيحبني انا .
جه وقف قدامي .
= فريده . انتي بتحبيني ؟
بصتله وسكت . ودمعت . انا معرفش حد غيره . انا يعتبر مليش غيره اصلا . .
مسحت دموعي وابتسمت .
_ تيجي نسرق فراوله .
ابتسم .
= نسرق فراوله
تمت
reaction:

تعليقات