القائمة الرئيسية

الصفحات

رواية فريدة وعمر الفصل الثالث 3

رواية فريدة وعمر البارت الثالث 3 بقلم شيماء نائل

رواية فريدة وعمر الفصل الثالث

= انتي كنتي فين .
بصتله ومردتش عليه وقعدت جمب جدو علي السرير وعطيته الدوا .
- كنتي فين يا فريده .
_ كنت بجبلك الدوا يا جدو 
رد عمر بعصبيه  وصوته عالي .
= هو انا مش قولت اني هجيبه وهاجي . لاازم تتصرفي من دماغك .
بصتله ببرود .
- حضرتك يا دكتور عمر مكنتش فاضي .
_ خلاص بطلوا زعيق .
- ارتاح انت يا جدو انا هخرج للجنينه .
سيبتهم وخرجت وعمر خرج ورايا شدني من دراعي .
=مالك بتتصرفي معايا كدا عملتلك اي انا.
_سيب ايدي يا عمر .
= مش هسيب يا فريده طول ما انتي بتتصرفي كدا .
- ومالها تصرفاتي علي الاقل واضحه وصريحه مش بوشين ومنافقه .
زقيته بعيد وخرجت الجنينه .
=  تقصدي اي بالكلام دا .
- قصدي انت عارفه كويس يا ...يا دكتور .
= ما تفهميني يا فريده .
 بصتله بطرف عيني ومردتش .
= ردي عليا يا فريده انا بكلمك .
- ارد اقولك اي !! دا واضح اني كنت حمل تقيل عليك . واضح انك مكنتش حاببني معاك في المكان . بس يحرام صعبت عليك . قولت دي مش لااقيه شغل اكسب فيها ثواب واشغلها معايا . فاكرني اي  ها !  .
= انتي فهمتي غلط انا مكنتش اقصدك انتي.
- لا انا فهمت صح .
= لا انا كان قصدي منار . انا مكنتش حابب اشغلها بس جاتلي وكان فيه ضغط عليا  
اخوها يبقي صاحبي واتكسفت اقوله اني مش حابب اشغلها ومش عاوز حد في المكان ..
بصتله ومبقتش لااقيه رد ...
بدأت اتكلم بتوتر .
_ اا ما انت كمان مأخدتش رأي حتي لما تيجي تشغلها .وو وبعدين بلاش رأي حتي كنت عرفني مش تسيبني اتفاجئ كدا ! .
= انا اساسا كنت ناسي والله ومكنتش حابب اشغلها .
_ وكنت بتقول لمين في الفون الكلام دا !.
ابتسم .
= كنت بقول لواحد صاحبي تاني . اكيد مش هقول لاخوها كدا ياعني .
_ طيب يا عمر .
= اي دا سبحان الله شيلتي اللقب ياعني .
_ ااا عادي ياعني . وبعدين انت واقف هنا بتعمل اي . روح بيتكوا . ولا معندكش بيت ؟
ضحك .
= اه تصدقي معنديش بيت حتي بفكر ابات عندكوا .
بصيتله بصدمه واتكلمت بتلقائيه .
_ نعم !!تبات هنااا . فين . انت مجنون .
= اي اتخضيتي كدا ليه يا ست فريده وبعدين انتوا عندكوا تلت اوض انا هنام في واحده وجدو نايم في واحده وانتي ليكي اوضتك .
كشرت .
_ لا طبعا مش هينفع . اتفضل روح بيتكوا علشان عاوزه انام .
= بس لسه الساعه 11 .
_ وانت مالك يا اخي انا بنام بدري .
= والله . ماشي هاجي لجدو الصبح اطمن عليه .
- اخدت علينا اووي  . يلا يلا روح مش فاضيين .
طردته وقفلت الباب وسمعت صوت ضحكته . ابتسمت وبعديها رجعت للجنينه ومسكت روايتي وبدأت اقرأ. 
خلصت جزء ودخلت نمت صحيت الصبح علي صوت تليفوني بيرن .
رديت بنوم .
_ الو .
= فريده .
_ اممم.
= صحصحي معايا كدا .
_ عايز اي . انا لسه مجاش ميعادي .
= عارف ما دلوقتي منار هتجيلك تاخد منك المفتاح علشان هي بقت الصبح وانتي بقيتي معايا بالليل .
نفخت بضيق .
_ حد يجي لحد دلوقتي .
ضحك .
= دي هتاخد منك المفتاح بس وبعديها يا غيبوبه هانم انتي ادخلي كملي نوم .
_ طيب طيب .
قفلت معاه وبعديها بربع ساعه جت منار .
خرجتلها بالبيجامه وشعري مكنش متساوي اوي .
_ اهلا يا منار ازيك .
- اهلا 
_ اتفضلي المفتاح .
اخدته من ايدي وكانت ماشيه بس وقفت تاني ورجعت اتكلمت .
- بس شكلك مش مبهر ياعني .
" اصطبحنا عالصبح " . 
ابتسمت بسماجه 
_ ما هو طبيعي واحده زيك داهنه وشها وحاطه احمر واخضر ولا اشارات المرور تقول كدا . 
عن اذنك بقا علشان محتاجه انام . يلا يعسل .
مشيت وكانت هتنفجر ..
ضحكت بصوت عالي .
_ دا انا طلعت جامده جداا.
قفلت الباب ودخلت كملت نوم .
صحيت نزلت لجدو الجنينه وفطرنا سوا .
_ جدو انا هنزل اشتري لبس وهخلص وهطلع علي الشغل .
- ماشي .
كنت باكل وكان شكلي مضحك لما لقيت عمر دخل .
= مبتشبعيش  اكل! ليل نهار بتاكلي ! 24 ساعه  لاازم بوقك يتحرك 
كشرتله .
_ وانت مالك انت هو اانا باكل من اكلك !!.
= لسان طول كدا ماشاء الله . .
اتجه نحيه جدو وباس راسه .
= صباح الخير يا جدو .
ابتسم جدو .
- صباح النور  يا عمر اقعد افطر .
لقيته بصلي واتكلم.
= هقعد طبعا دا انا حتي نفسي اتفتحت .
 قومت وقفت .
واتكلمت بتوتر .
_ جدو اا انا هنزل زي ما قولتلك.
رد عمر.
= تنزلي فين .
تجاهلته .
_ ماشي يا جدو يلا سلام .
وقف قدامي .
= فريده .
-نعم .
= هاجي معاكي .
_ تيجي معايا فين هو انا رايحه رحله !.
تجاهل كلامي .
= يلا يا جدو مش هنتأخر متقلقش . 
شدني لبرا البيت .
_ انت ياعم انت . ايي ساحب معزه وراك! سيب ايدي كدا بس .
= يا ساتر يارب اييي ماشي مع بومه .
_ عمرر!.
= خلاص خلاص . رايحه فين انتي بقا .
_ رايحه اشتري حاجات .
ابتسم وسند علي الباب .
=حاجات اي .
ابتسم ببرود.
_ سلام يا عمر .
سيبته ومشيت وكان الجو بدأ يمطر .
 ابتسمت وكملت طريقي .
روحت  لفيت علي لبس بس مافيش حاجه عجبتني .
كان فاضل علي ميعاد الشغل حوالي ساعه ونص .
استغليت اني كدا كدا قريبه من البحر وقعدت شويه .
= تشربي سحلب ؟
.
_ اي اللي جابك هنا .
ابتسم .
= والله كنت مخنوق قولت اتمشي علي البحر لقيتك بالصدفه قاعده .قولت وماله اقعد معاكي .
_ بتراقبني بقا .
= انا يابنتي !! دا انا بس  شوفتك صدفه .
ضيقت عيني وابتسمت.
_ صدفه ااه .
ضحك .
= ها؟
_ ها اي .
= مشتريتيش لبس ليه ؟ كان فيه حته جاكيت احمر تحفه يا فريده اول واحد مسكتيه 
_ واضح انك مش بتراقبني .
ضحك .
= يابنتي شوفتك صدفه .
_ والله .
= المهم مجبتيهوش ليه .
_ مش عاجبني .
= لا والله دا تحفه .
ابتسمت .
_ ما انا مش فاكره انهي محل .
لقيته شدني من ايدي .
= انا عارف يلا تعالي .. يتبع الفصل الرابع والأخير اضغط هنا
reaction:

تعليقات